प्रधानमन्त्रीको स्वास्थ्यमा सुधार, आफैं ब्रेकफास्ट खाए, दाह्री काटे !

काठमाडाैँ, १३ कात्तिक – प्रधानमन्त्री केपी शर्मा ओलीको स्वास्थ्यमा थप सुधार भएको उपचारमा संलग्न चिकित्सकले बताएका छन् । यसैगरी स्वास्थ्यमा सुधार आइराख्यो भने एक–दुई दिनमा डिस्चार्ज गर्ने अस्पतालले जनाएको छ ।

प्रधानमन्त्री उपचाररत मनमोहन कार्डियोथोरासिक भास्कुलर तथा ट्रान्सप्लान्ट सेन्टरले मंगलबार बिहान जारी गरेको विज्ञप्तिअनुसार रगतको परीक्षण र छातिको एक्सरेको रिपोर्ट सकारात्मक आएको छ ।

उनले आज ब्रेकफास्ट पनि लिएका छन् भने अाफैंले दाह्री पनि काटेकाे अस्पतालले जनाएकाे छ ।

स्वासप्रश्वासमा समस्या भएपछि प्रधानमन्त्री ओली सोमबार बिहान अस्पताल भर्ना भएका थिए । उनको उपचारमा मुटुरोग विशेषज्ञ डा. अरुण सायमी, निजी चिकित्सक डा. दिव्या सिंह शाह र छातिरोग विशेषज्ञ डा. सन्त कुमार दासको टोली खटिएको छ ।

डा. सायमीले भने, ‘प्रधानमन्त्री ज्यूको स्वास्थ्यमा राम्रो सुधार भइरहेको छ । यसैगरी सुधार हुँदै गयो भने हामी एक–दुई दिनमा बालुवाटार फर्काउन सक्छौं ।’