लगातार बढेको सुनको मूल्य आज स्थिर

काठमाडौं – नेपाली बजारमा सुनको मूल्य आज स्थिर रहेको छ । बिहीबार छापावाल सुन ८९ हजार ६ सय रुपैयाँमा कारोबार भएकोमा शुक्रबार पनि सोही मूल्य यथावत् रहेको सुनचाँदी व्यवसायी महासंघले जनाएको छ।

चाँदीको मूल्य भने बिहीबारको तुलनामा घटेको छ। चाँदी बिहीबार ९ सय ५० रुपैयाँ प्रतितोला कारोबार भएकोमा शुक्रबार ९ सय ३५ रुपैयाँ मूल्य कायम भएको महासंघले जनाएको छ।

लकडाउनपछि जेठ २५ गतेबाट सुनचाँदी बजार खुलेको थियो। बजार खुल्दा नै १० हजार ४ सय रुपैयाँले मूल्य बढेको थियो।