बिना अवरोध खोकनाका किसानले गरे रोपाइँ

ललितपुर – खोकनाका किसानले शनिबार पनि आफ्नो खेतमा रोपाइँ गरेका छन् । असार १५ र २० गतेको रोपाइँमा प्रहरीले अवरोध गरेपनि आज भने प्रहरीको उपस्थिती नै रहेन ।

काठमाडौँ तराई जोड्ने फास्ट ट्रयाक र अन्य विविध परियोजनाले खोकना र बुङ्गमतीको संस्कृती र सम्पदा मासिने साथै उचित मुआब्जा नदिएर सरकारले बलजफ्ती आफुहरुको जग्गा अतिक्रमण गरेको आरोप स्थानीयले लगाउने गरेका छन् ।

प्रहरीले आज अवरोध नगरेको र आगमी दिनहरुमा पनि यसै कदमको अपेक्षा गर्दै यस कार्यको स्वागत गरेको स्थानीय नेपाल डंगोलले बताए ।