पक्राउ परेकालाई रिहाईको माग गर्दै ललितपुरमा प्रदर्शन (भिडियोसहित)

ललितपुर – रातो मछिन्द्रनाथ रथ जात्राको क्रममा भएको झडपपछि पक्राउ परेकाहरुलाई रिहाईको माग गर्दै आज पनि प्रदर्शन भएको छ ।

बिगत केही दिनदेखि रिहाईको माग गर्दै प्रदर्शन गर्ने क्रममा आज ललितपुरको पाटन दरबार स्क्वायर क्षेत्रमा प्रदर्शन भएको हो ।

पक्राउ परेका ६ जनामा कोरोना संक्रमण देखिएपछि उनीहरुलाई आइसोलेसनमा राखिए पनि करिब आठ जना अझै प्रहरी हिरासतमा रहेका छन् । ललितपुर महानगरका मेयर चिरिवावु महर्जनले पनि पक्राउ परेकाहरुलाई रिहाइ गरिदिन अनुरोध गरेका छन् ।

पक्राउ परेका सम्पूर्णलाई रिहाई नगर्दासम्म प्रदर्शन जारी राख्ने उनीहरुले बताएका छन् ।