काठमाडौं उपत्यकामा ६ सय १८ संक्रमित थपिए

काठमाडौं – काठमाडौं उपत्यकामा थप ६ सय १८ जनामा कोरोना भाइरसको संक्रमण पुष्टि भएको छ।

बिहीबार स्वास्थ्य मन्त्रालयले दिएको जानकारीका अनुसार पछिल्लो २४ घण्टामा उपत्यकामा ६ सय १८ जनामा कोरोना संक्रमण देखिएको हो।

त्यसमध्ये काठमाडौंका ५ सय ७, ललितपुरका ६१ जना र भक्तपुरका ५० जना छन्।

पछिल्लो २४ घण्टामा नेपालमा थप एक हजार २ सय ४६ जनामा कोरोना भाइरसको संक्रमण पुष्टि भएको छ।

बिहीबारमात्रै एक हजार २ सय ४३ जना निको भई घर फर्किसकेका छन् भने थप ४ जनाले ज्यान गुमाएका छन्।