काठमाडौँ उपत्यकामा आज पनि थपिए उच्च संख्यामा कोरोना संक्रमित

काठमाडौँ – काठमाडौँ उपत्यकामा कोरोना संक्रमितको संख्या उच्च गतिमा बढिरहेको छ। बुधबार काठमाडौं उपत्यकामा थप ९ सय २ जनामा कोरोना भाइरसको संक्रमण पुष्टि भएको छ।

स्वास्थ्य मन्त्रालयका प्रवक्ता प्रा.डा जागेश्वर गौतमले दिएको जानकारीका अनुसार पछिल्लो २४ घण्टामा थप ९ सय २ जनामा कोरोना भाइरसको संक्रमण पुष्टि भएको हो।

त्यसमध्ये काठमाडौंका ६ सय ९७ जना, भक्तपुरको ९३ जना र ललितपुरका १ सय १२ जना छन्।

उनीहरूको पछिल्लो २४ घण्टामा नेपालमा थप १५ सय ५९ जनामा कोरोना भाइरसको संक्रमण पुष्टि भएको छ।