चोरीमा संलग्न र चोरीको सामान खरिद गर्ने पक्राउ

काठमाडौँ – न्युरोड स्थित ताम्राकार कम्प्लेक्सबाट सात लाख पचास हजार बराबरको मोबाइल तथा क्यामेरा चोरी गर्ने व्यक्तिहरु पक्राउ परेका छन् ।

चोरीमा संलग्न ३२ वर्षिय प्रकाश तामाङ र २१ वर्षिय जनक तामाङलाई सिसिटिभी फुटेजका आधारमा पक्राउ गरेको महानगरीय प्रहरी प्रभाग, बिशाल बजारका डिएसपी सुनिल जङ्ग शाहले बताए ।

चोरी गरिएका सामान जानाजान खरिद गरेको आरोपमा अमृत तामाङ, छिरिङ शेर्पा र सोम रानी तामाङलाई पनि पक्राउ गरी अदालतबाट म्याद थप गरी अनुसन्धान गरिरहेको डिएसपी शाहले जानकारी दिए ।