सोमबार थपिए ४ हजार ४४७ जना नयाँ संक्रमित, १ हजार ४७३ जना कोरोनामुक्त

काठमाडौं – सोमबार २४ घण्टामा ४ हजार ४ सय ४७ नयाँ संक्रमित थपिएका छन् । योसँगै कुल संक्रमितको संख्या ३३ हजार ८८० पुगेका छन् ।

सोमबार स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा जोगेश्वर गौतमले यो तथ्यांक सार्वजनिक गरेका हुन ।

यससँगै आजसम्म देशभर सक्रिय संक्रमितको संख्या ३३ हजार ८८० पुगेको छ । जसमा संस्थागत आइसोलेशनमा १३ हजार ९२३ र होम आइसोलेशनमा १९ हजार ९५७ जना रहेका छन् ।

यस्तै पछिल्लो २४ घण्टामा १ हजार ४७३ जना कोरोनामुक्त भएपछि हालसम्म निको हुनेको कुल संख्या ७७ हजार २७७ पुगेको गौतमले जानकारी दिए ।