अब कोरोना संक्रमितले आफै उपचार गर्नुपर्ने

काठमाडौं – कोरोना भाइरस (कोभिड–१९) को परीक्षण र उपचार आफ्नै खर्चमा गर्नुपर्ने भएको छ । सरकारले अग्रपंंतिमा रहेर काम गर्ने कर्मचारीमा लक्षण देखिएमात्रै कोभिडको परीक्षण र उपचार निःशुल्क गर्ने भएको हो ।

आर्थिक रुपमा विपन्न, अशक्त, असहाय अवस्थामा रहेका नागरिक, असहाय एकल महिला, अति अपाङ्गता भएका नागरिक, जेष्ठ नागरिक, अग्रपंतिमा खटिने स्वास्थ्यकर्मी, सरसफाइ कर्मचारी, सुरक्षाकर्मीलगायत जोखिम क्षेत्रमा कार्यरत कर्मचारीमा लक्षण भएमा मात्र परीक्षण र उपचार निःशुल्क गर्ने निर्णय गरेको हो ।

‘अन्य सबै व्यक्तिको परीक्षण तथा उपचार व्यक्तिको आफ्नै खर्चमा गर्ने गराउने निर्णय भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताए । ‘यो निर्णय सरकारी, गैरसरकारी तथा निजी अस्पतालहरूमा कात्तिक २ गतेदेखि नै लागू हुनेछ,’ उनले भने ‘कोभिड प्रभावितले कारोना बीमा गरेको भए परीक्षण र उपचार खर्च बीमा रकमबाट कट्टा गरिनेछ ।