काठमाडौं उपत्यकामा १५३३ कोरोना संक्रमित थपिए

काठमाडौं – काठमाडौं उपत्यकामा आज एकै दिन  १५ सय ३३ जना कोरोना संक्रमित थपिएका छन् ।

देशभर २८ सय १७ जनामा कोरोना पुष्टि भएकोमा काठमाडौमा मात्रै १५ सय ३३ जना थपिएसँगै जोखिम बढेको छ । स्वास्थ्य मन्त्रालयले जारी गरेको सुचनामा १२ हजार ३ सय ११ जनाको पिसीआर परिक्षणमा २८ सय १७ जनाको रिर्पोट पोजेटिभ आएको हो ।

त्यसैगरी आज २४ घन्टामा २८१२ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या १ लाख ५७ हजार ९ सय  २६ रहेको छ । देशभर कुल संक्रमितको सख्या १ लाख ९४ हजार ४ सय ५३ पुगेको छ ।