नेपाली उत्पादनलाई प्राथमिकता दिने उद्धेश्य सहित ‘दोस्रो गुडविल मार्केट’

काठमाडौं – नेपाली उत्पादनलाई प्राथमिकता दिने उद्धेश्य सहित ललितपुरको कनिबहालस्थित होटल गुडविलले दोस्रो गुडविल मार्केट आयोजना गर्ने भएको छ ।

नयाँ वर्ष २०७८ को प्रारम्भबाटै स्वदेशी उत्पादनको प्रयोग बढाई उत्पादकलाई प्रोत्साहन गर्न होटल गुडविलले यहि आउँदो वैशाख ४ गते शनिबारका दिन दोस्रो गुडविल मार्केट आयोजना गर्न लागेको हो ।

कोरोना पछिको अवस्थामा नेपाल मै बनेको सामग्रीलाई प्राथमिकता दिने उदेश्यसहितको कार्यक्रममा नेपाल हस्तकला महासंघ, ललितपुर उद्योग वाणिज्य संघ र ललितपुर हस्तकला महासंघको सहयोग रहने छ ।

विभिन्न स्थानिय उत्पादन तथा खानाका स्टल रहने उक्त बजारमा बुद्धिष्ट आर्ट ग्यालरीको चित्रकला प्रदर्शनी पनि रहने छ ।

यसका साथै विभिन्न मनोरञ्जनात्मक कार्यक्रम पनि दोस्रो गुडविल मार्केट कार्यक्रममा रहने आयोजकले जानकारी दिएको छ ।