नारायणी डेभलपमेन्ट बैंकले शतप्रतिशत हकप्रद शेयर बिक्रि गर्दै

काठमाडौं – नारायणी डेभलपमेन्ट बैंकले नेपाल धितोपत्र बोर्डमा शतप्रतिशत हकप्रद शेयर बिक्रिका लागि निवेदन दिएको छ । बैंकले १३ करोड १२ लाख ३३ हजार ८ सय रुपैयाँ बराबरको हकप्रद शेयर बिक्रिको लागि असार ४ गते बोर्डमा निवेदन दिएको हो ।

बैंकले १३ लाख १२ हजार ३३८ कित्ता हकप्रद शेयर विक्रि प्रबन्धकमा ग्लोबल आइएमई क्यापिटल लिमिटेडलाई नियुक्ति गरेकोे छ । बैंकको माघ १६ गते बसेको १९ औं साधारण सभाले २०० प्रतिशत हकप्रद शेयर जारी गर्ने प्रस्ताव पारित गरेको थियो ।

राष्ट्र बैंकले कम्पनीले १३ करोड १२ लाख ३३ हजार ८ सय रुपैयाँ हाल चुक्तापुँजीको आधारमा १ः१ को अनुपातमा शतप्रतिशत हकप्रद जारी गर्न स्वीकृति दिएपछि बोर्डमा अनुमति माग गर्दै निवेदन दिएको हो ।