असारको पहिलो साता सुनको भाउ तोलामा २८ सयले घट्यो

काठमाडौं – असारको पहिलो साता सुनको भाउ तोलामा दुई हजार आठ सय रुपैयाँले घटेको छ । साताको पहिलो दिन असार १ गते ९३ हजार दुई सय रुपैयाँमा कारोबार भएको छापावाल सुनको भाउ असार ७ गते ९० हजार चार सय रुपैयाँमा आइपुगेको छ ।

यस्तै साता भर तेजावी सुुनको भाउ दुई हजार ७५० रुपैयाँले घटेको नेपाल सुन चाँदी व्यवसायी महासंघले जनाएको छ । महिनाको पहिलो दिन ९२ हजार ७ सय रुपैयाँमा कारोबार भएको छापावल सुनको भाउ आज ७ गते ८९ हजार ९५० रुपैयाँमा आइपुगेको छ ।

चाँदी भने साताभर जम्मा ६० रुपैयाँले तोलामा घटेको छ । एक हजार ३५५ रुपैयाँमा असार एक गते कारोबार भएको चाँदीको भाउ ७ गते १२ सय ९५ रुपैयाँ कायम भएको छ ।
एक गतेदेखि ६ दिनसम्म लगातार घटेको सुन चाँदीको भाउ ७ असारमा भने सामान्य वृद्धि भएको महासंघले जनाएको छ ।