ओलीको निर्देशन– संसद्‌भित्र फाल्तु नारा नलगाऔँ, काँधमा चढेर माथि नजाऔँ

काठमाडौं – नेकपा एमाले संसदीय दलका नेता तथा अध्यक्ष केपी शर्मा ओलीले संसद्भित्र संसदीय मान्यतामा रहेर विरोध गर्न सांसदहरुलाई निर्देशन दिएका छन् ।

“संसदीय मर्यादाभित्र फाल्तु नारा नलगाऔँ,” उनले संसदीय दलको बैठकलाई सम्बोधन गर्दै भने, “मर्यादा पालना गरौँ । सभामुख आक्रामक भए चर्को नारा लगाउँदा हुन्छ । नारा लगाउनेभन्दा बाहिर जानुहुँदैन । कतिपय साथीहरुले बोलेको कुरा पनि सुनेँ । माइक हान्ने योजना थियो । त्यस्तो थिएन । त्यस्तो कुरा मिडियामा बोल्नुहुँदैन । काँध चढेर माथि नजानुहोला ।”

उनले आफूहरुले मर्यादापालकको घेरा तोड्न नखोजेको पनि बताए ।