काठमाडौं उपत्यकामा थप दुई सय ७९ जनामा कोरोना संक्रमण

काठमाडौं – काठमाडौं उपत्यकामा थप दुई सय ७९ जना कोरोना संक्रमित थपिएका छन्।

पछिल्लो २४ घण्टामा दुई सय ७९ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार काठमाडौंमा दुई सय ३२, ललितपुरमा २४ र भक्तपुरमा २३ संक्रमित थपिएको हो।

योसँगै उपत्यकामा चार हजार पाँच सय ५८ सक्रिय संक्रमित छन्। काठमाडौंमा मात्रै दुई हजार पाँच सय ५४, ललितपुरमा एक हजार एक सय ८५ र भक्तपुरमा आठ सय १९ संक्रमित छन्।