धर्म परिवर्तन गराएको मुद्दामा पाश्चरलाई २ वर्ष कैद, २० हजार रुपैयाँ जरिवाना

काठमाडौं – डोल्पामा धर्म परिवर्तन गराएको अभियोगमा पाश्चर केशवराज आचार्यलाई अदालतले २ वर्ष कैद र २० हजार रुपैयाँ जरिवानाको फैसला गरेको छ ।

डोल्पाको त्रिपुरासुन्दरी नगरपालिका–२ का महिलालाई जबर्जस्ती धर्म परिवर्तन गराएको ठहर गर्दै जिल्ला न्यायाधीश केशवराज चपाईंको इजलासले २ वर्ष कैद र २० हजार रुपैयाँ जरिवानाको फैसला गरेको हो ।

बिरामी भएका दुई महिलाको उपचार गर्ने भन्दै गत वर्ष आचार्यले ‘प्रभु येशुको नाममा हटिजा’ भनेको र ती महिलाहरुको फोटो भिडियो खिचेर प्रचार प्रसार गरेको भन्दै जिल्ला अदालत डोल्पामा मुद्दा परेको थियो ।

जिल्ला अदालत कास्कीमा पनि धर्मपरिवर्तनसम्बन्धी मुद्दा विचाराधीन अवस्थामा रहेका आचार्य पोखरा चिप्लेढुंगास्थित प्रशस्त कटनी मण्डलका पाश्चर हुन् ।