नर्सरी व्यवसायी संघले नेशनल हर्टिकल्चर एक्स्पो गर्ने

नर्सरी व्यवसायी संघले आगामी चैत्र १६ गतेदेखि १९ गते सम्म प्रथम नेशनल हर्टिकल्चर एक्स्पो २०८० आयोजना गर्ने भएको छ।

संघले भृकुटीमण्डप प्रदर्शनी हलमा समग्र नर्सरी क्षेत्रको एकिकृत महाकुम्भ मेलाको रुपमा यस वर्ष देखि पुष्प, फलफूल, कृषिवन तथा जडिबुटी नर्सरीका व्यवसायीक उत्पादनहरुको वृहत प्रदर्शनी गर्ने कार्यक्रम रहेको पत्रकार सम्मेलनमा मेला संयोजक रामजी कुँवरले जानकारी दिए ।

मेलाले आर्थिक मन्दिले सुस्ताएका हरित अर्थतन्त्र विकासमा संलग्न उद्यमी व्यवसायीहरु तथा यस व्यवसाय प्रति अभिरुचि राख्ने अझ भन्ने हो भने समग्र कृषि क्षेत्रमा लगानी गरेर रोजगारी सिर्जना गर्ने सपना देखिरहेको उद्यमी व्यवसायी तथा जिज्ञासु साथै अध्ययन अनुसन्धानमा संलग्न व्यक्तित्वहरुलाई एकपटक उत्साहित र झंकृत गर्ने विश्वास लिएको संघले जनाएको छ।