बिहीबार १ हजार २४६ जना कोरोना संक्रमित थपिए

काठमाडौँ – बिहीबार थप १ हजार २४६  जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका हुन्। यीसहित हालसम्म संक्रमित हुनेको संख्या ५९ हजार ५७३ पुगेको छ।

त्यस्तै पछिल्लो २४ घण्टामा १ हजार २४३ जना कोरोनाबाट निको भएका छन्। हालसम्म कोरोनाबाट निको हुनेको संख्या ४२ हजार ९४९ पुगेको छ। हाल मुलुकभर सक्रिय संक्रमितको संख्या  १६ हजार २४१ छ।

पछिल्लो २४ घण्टामा मृतक थप ४ जनामा कोरोना पुष्टि भएको छ। यीसहित हालसम्म मृतक ३ सय ८३जनामा कोरोना पुष्टि भएको छ।