काठमाडौं उपत्यकामा थपिए १४०३ कोरोना संक्रमित

काठमाडौं – काठमाडौं उपत्यकामा थप १४०३ जनामा कोरोना भाइरसको संक्रमण पुष्टि भएको छ।

बुधबार स्वास्थ्य मन्त्रालयका प्रवक्ता प्रा. डा. जागेश्वर गौतमले दिएको जानकारीका अनुसार पछिल्लो २४ घण्टामा थप १४०३ जनामा कोरोना भाइरसको संक्रमण पुष्टि भएको हो।

त्यसमध्ये काठमाडौंका ९९६ जना, भक्तपुरको १०२ जना र ललितपुरका ३०५ जना छन्।

उनीहरूको विभिन्न प्रयोगशालामा परीक्षण गरिएको हो।