काठ फर्निचरको कोठाबाट ९ जुवाडे पक्राउ

सुनसरी – काठ फर्निचरको कोठामा तास खेलिरहेको अवस्थामा ९ जनालाई आइतबार राति प्रहरीले पक्राउ गरेको छ । दुहबी नगरपालिका–३ बस्ने आलम हुसेनको काठ फर्निचरको कोठामा तास खेलिरहेको अवस्थामा सोही ठाउँका अनिश सिंह लगायत ९ जना पक्राउ परेका हुन् ।

उक्त स्थानमा तास खेलिरहेको गोप्य सूचनाको आधारमा ईलाका प्रहरी कार्यालय दुहवीबाट खटिएको प्रहरीले उनीहरुलाई नगद ७७ हजार ७ सय १० रुपैयाँ र ३ बुक तास सहित फेला पारी पक्राउ गरेको बताएको छ । यस सम्बन्धमा प्रहरीले थप अनुसन्धान गरिरहेको जनाएको छ ।