काठमाडौंमा चिसो ह्वात्तै बढ्यो, देशभरीको मौसम यस्तो छ

काठमाडौं – मंसिर २ गते देशभरको मौसममा आएको बदलिका कारण देशभरीको मौसममा परिवर्तन आएको छ । केहि पहाडी जिल्लाहरुमा परेको हिमपातका कारण काठमाडौं उपत्यकासहित देशभर मौसम बदली भएसँगै चिसो बढेको छ । हिमाली क्षेत्रमा हिमपात भएको छ भने अन्य क्षेत्रमा आंशिक बदली हुँदा चिसो बढेको हो ।

यस्तै मंगलबार काठमाडौं उपत्यकाको तापक्रम पनि ओरालो लागेको छ। महाशाखाका अनुसार मंगलबार काठमाडौं उपत्यकाको न्यूनतम तापक्रम ६ डिग्रीमा झरेको जल तथा मौसम पूर्वानुमान महाशाखाले जनाएको छ ।

मंगलबार सबैभन्दा कम तापक्रम जुम्लामा देखिएको महाशाखाले जनाएको छ। जल तथा मौसम पूर्वानुमान महाशाखाको रेकर्डअनुसार मंगलबार त्यहाँको न्यूनतम तापक्रम माइनस १.६ डिग्री सेल्सियसमा झरेको हो।

महाशाखाका अनुसार अहिले सुदूरपश्चिमको पहाडी भेगमा आंशिक बदली छ भने देशका बाँकी क्षेत्रमा मौसम सामान्यतया सफा रहेको छ। अहिले सुदूरपश्चिमको पहाडी भूभागमा आंशिक बदली र यसको तराई भुभागमा हुसु्–कुहिरो लागेको छ बाँकी भूभागमा मौसम सामान्य रहने जल तथा मौसम पूर्वानुमान महाशाखाले जनाएको छ ।

तपाईको प्रतिक्रिया

सम्बन्धित समाचार