जसपाको आन्दोलन : जनप्रदर्शन देखि प्रधानमन्त्री र राष्ट्रपतिको पुत्ला दहनसम्म !

काठमाडौँ – जनता समाजवादी पार्टी, नेपालले प्रधानमन्त्री केपी शर्मा ओलीको सिफारिसमा राष्ट्रपतिले गरेको संसद विघटनलाई असंवैधानिक, अलोकतान्त्रिक र प्रतिगमनकारी कदम भएको ठहर गरेको छ ।

संसद विघटनको अधिकार वर्तमान संविधानले प्रधानमन्त्रीलाई नदिएको पनि जसपाको निष्कर्ष छ । सरकारको यस कदमलाई विरोध जनाउदै जसपाले विभिन्न आन्दोलनका कार्यक्रमका घोषणा समेत गरेको छ ।

जसपाको आन्दोलका कार्यक्रमहरु यस प्रकार रहेको छ :

१) २०७७ पौष १० गते विभिन्न जिल्लाका प्रमुख स्थानहरुमा प्रधानमन्त्री एवम् राष्ट्रपतिको पुतला दहन गर्ने ।

२) २०७७ पौष ११ गते जिल्ला सदरमुकाम लगायत विभिन्न स्थानहरुमा मशाल जुलुश प्रदर्शन गर्ने ।

३) २०७७ पौष १२ गते काठमाडौं उपत्यका लगायत विभिन्न स्थानहरुमा जनप्रदर्शन गर्ने ।