जनता समाजवादी पार्टीको देशभर विरोध सभा (भिडियोसहित)

काठमाडौँ –  जनता समाजवादी पार्टीले संसद विघटनको विरोधमा देशभरका ७७ जिल्लाभर विरोध सभा सम्पन्न गरेको छ ।

प्रधानमन्त्री केपी शर्मा ओलीले गरेको संसद विघटन असंवैधानीक रहेको जसपाको ठहर छ । आज काठमाडौको शान्ती वाटिका र ललितपुरको लगनखेलमा विरोध सभा सम्पन्न भएको छ । काठमाडौँको विरोध सभामा बोल्दै नेतृ हिसिला यमीले भनिन्, ‘प्रधानमन्त्री एक क्रुर तानशाही हुन् , उनले संविधानलाई गर्भ मै तुहाउन खोजे ।’

प्रधानमन्त्री ओली तानाशाही मात्र नभएर प्रतिगामी व्यक्ति रहेको जनसरोकार समन्वय समितिका अध्यक्ष श्याम कृष्ण प्रजापतिले आरोप लगाए ।

प्रदर्शनकारीहरुले कालो पोशाकमा प्रधानमन्त्री ओलीले गरेको संसद विघटनविरुद्ध नारा पनि लगाएका थिए । संसद पुर्नस्थापना नभएसम्म विभिन्न विरोधका कार्यक्रम गर्ने पनि जसपाले घोषणा गरिसकेको छ ।

भिडियो हेर्नुहोस् :