आउने आर्थिक वर्षमा ओली सरकारले बढाउँदैछ वृद्धभत्ता !

काठमाडौँ, २० माघ– प्रधानमन्त्री केपी ओलीले आगामी आर्थिक वर्षमा वृद्धभत्ता बढ्ने बताएका छन् ।

सहिद हेमनारायण यादवको १५औँ स्मृतिसभालाई शनिबार सिरहामा सम्बोधन गर्दै प्रधानमन्त्री ओलीले वृद्धवृद्धाको हितका लागि सरकार सकारात्मक रहेको बताए ।

काँग्रेस सभापति शेरबहादुर देउवा नेतृत्वको सरकारले देशको ढुकुटी रित्तो पारेकाले अघिल्लो आर्थिक वर्षमा वृद्धभत्ता बढाउन नसकेको प्रधानमन्त्रीको दाबी छ । ‘वृद्धभत्ता बढेन भनेर निराश हुनुपर्ने अब धेरै दिन छैनन्,’ प्रधानमन्त्री ओलीले भने, ‘आउने आर्थिक वर्षमा सरकारले अवश्य बढाउनेछ ।’