श्रीमानबाट बलात्कृत भएको भन्दै प्रहरीमा जाहेरी

श्रीमानले बलात्कार गरेको भन्दे एक महिलाले प्रहरीमा उजुरी दिएकी छन् ।

तिलोत्तमा नगरपालिका–१७ की महिलाले श्रीमानबाट पटकपटक बलात्कृत भएको भन्दै इलाका प्रहरी कार्यालय, बुटवलमा जाहेरी दिएकी हुन् । इलाका प्रहरी कार्यालयका प्रमुख डिएसपी ठगबहादुर केसीले श्रीमतीको जाहेरीका आधारमा पुरुषविरुद्ध वैवाहिक बलात्कारको मुद्दा दर्ता भएको जानकारी दिए ।

पछिल्लो ६ महिनायता आफूमाथि धेरैपटक बलात्कार गरेको आरोप महिलाको छ । जाहेरीमा बिरामी भएका बेलासमेत श्रमिानले जबर्जस्ती करणी गरेको उल्लेख छ ।

परिवारका सदस्य र छिमेकीलाई आफ्नो पीडा बताए पनि बेवास्ता गरेकाले प्रहरीको शरणमा पुगेको उनको भनाइ छ । मुलुकी अपराध संहितामा श्रीमतीसँग इच्छाविपरीत करणी गरे ५ वर्षसम्म कैद सजाय हुने व्यवस्था छ ।