लामो दुरीको यातायात, आन्तरिक हवाई उडान र शिक्षण संस्था भदौ मसान्तसम्म नखोल्ने

काठमाडौं – सरकारले अन्तर जिल्ला तथा लामो दुरीको यातायात र आन्तरिक हवाई उडान भदौ मसान्तसम्म नखोल्ने भएको छ ।

मन्त्रिपरिषदको आइतबार साँझ बसेको बैठकले भदौ १५ सम्मका लागि गरेको स्थगतलाई भदौ मसान्तसम्म लब्याएको छ ।

शिक्षण संस्था पनि आगामी भदौ मसान्तसम्म बन्द गर्ने निर्णय गरेको छ ।  आइतबार बसेको मन्त्रिपरिषद् बैठकले सो निर्णय गरको एक मन्त्रीले जानकारी दिए । यसअघि सरकारले भदौ १५ गतेसम्मका लागि दुरीका यातायात र शिक्षण संस्था बन्द गर्ने निर्णय गरेकोमा कोरोना संक्रमणको जोखिम कायमै रहेकाले अवधि लम्ब्याउने निर्णय गरेको हो ।

गत साउन ५ गतेको मन्त्रिपरिषद् बैठकले १२० दिन लामो लकडाउन अन्त्य गरेपनि केही क्षेत्र अझै खुलाएको छैन ।