मेयर विद्यासुन्दर शाक्यलाई कोरोना संक्रमण पुष्टि

काठमाडौं – काठमाडौं महानगरपालिकाका मेयर विद्यासुन्दर शाक्यलाई कोरोना संक्रमणको पुष्टि भएको छ । दुई दिनअघि पत्नीलाई सन्चो नभएपछि स्वाब परिक्षणका लागि दिएका शाक्यको सोमबार कोरोना संक्रमण पुष्टि भएको हो ।

मेयर शाक्य र उनकी श्रीमतीको स्वाब परिक्षण गर्दा मेयर शाक्यको कोरोना रिपोर्ट पोजेटिभ आएको मेयरको सचिवालयले जनाएको छ । उनकी पत्नीको भने कोरोना रिपोर्ट नेगेटिभ आएको छ ।

मेयर शाक्यलाई कोरोना संक्रमणको कुनै पनि लक्षण भने देखिएको छैन । उनी होम आइसोलेसनमा बसेको पनि मेयरको सचिवालयले जनाएको छ ।