काठमाडौंमा आज ३ सय ३३ नयाँ संक्रमित थपिए

काठमाडौं- काठमाडौं उपत्यकामा आज ३ सय ३३ जना कोरोना भाइरसका संक्रमित थपिएका छन् । देशभर ८ सय २१ जना थपिएकोमा काठमाडौंमा मात्र ३ सय ३३ जना थपिएका स्वास्थ्य मन्त्रालयले जनाएको छ ।

आज काठमाडौंमा थपिएका संक्रमित मध्ये १ सय ४२ महिला र १ सय ९१ पुरुष रहेका छन् । आज ८ सय ४२ जना कोरोना संक्रमणबाट निको भई घर फर्केका छन् । हालसम्म २ लाख ४९ हजार २ सय ४४ संक्रमित भएपनि २ लाख ३६ हजार ५ सय ७३ जना संक्रमण निको भई डिस्चार्ज भईसकेका छन् भने १० हजार ९ सय ५५ जना संक्रमितको उपचार भइरहेको स्वास्थ्य तथा जनसख्या मन्त्रालयले जनाएको छ ।-