हाम्रो उद्देश्य पुरा भइसक्यो, प्रतिनिधिसभा पुर्नस्थापना भएर केही फरक पर्दैनः पोखरेल

काठमाडौँ – नेकपा ओली समूहका नेता एवं लुम्बिनी प्रदेशका मुख्यमन्त्री शंकर प्रतिनिधिसभा पुर्नस्थापनाले केही फरक नपर्ने दाबी गरेका छन् ।

ओली समूह निकट राष्ट्रिय युवासंघ बैठकलाई बुधबार राजधानीमा सम्बोधन गर्दै पोखरेलले प्रतिनिधिसभा पुर्नस्थापना भए पनि विघटन गरेर आफूहरुको उद्देश्य पुरा गरिएको जिकिर गरे । ‘ प्रतिनिधिसभा पुर्नस्थापना भएर केही बिग्रिएको छैन’, पोखरेलले भने, ‘हामीले जे उद्देश्यले प्रतिनिधिसभा विघटन गरेका थियौं, त्यो पुरा भएको छ ।’

प्रतिनिधिसभा विघटन गरेर पार्टी र नेतृत्वविरुद्ध भएका षड्यन्त्रबारे जनतालाई बुझाउन सकिएको तर्क पोखरेलको थियो । उनले अब आफूहरु प्रचण्ड–माधव नेपालविरुद्ध आन्दोलन लिएर जनतामा जाने बताए । ‘उहाँहरु गैरकम्युनिष्टसँग मिलेर सरकार बनाउने खेलमा हुनुहुन्छ’, पोखरेलले भने, ‘के कारणले कम्युनिष्ट सरकारलाई काम गर्न दिइएन र गैरकम्युनिष्ट सरकार बनाइयो भन्ने कुरा लिएर आन्दोलनमा जाने हो ।’