केपी ओली र माधव नेपाल दुवै विराटनगर आउँदै

विराटनगर – प्रधानमन्त्री एवं नेकपा ओली समूहका अध्यक्ष केपी ओली र प्रचण्ड–नेपाल समूहका अध्यक्ष माधवकुमार नेपाल दुवै मोरङ आउँदैछन् छन् ।

एकअर्काप्रति सार्वजनिक रुपमै कटु आलोचना गर्दै आएका नेपाल र ओली एकै दिन करिब एकै समयमा विराटनगर आउन लागेका हुन् । तर, दुवै नेता अलग–अलग कार्यक्रममा सहभागी हुँदैछन् ।

मोरङको उर्लाबारीमा सन्थाल जातिको एकीकृत बस्ती शिलान्यास कार्यक्रम छ । नेपाल भने स्र्वीय वामपन्थी नेता एवं पूर्वउपप्रधान तथा अर्थमन्त्री स्वर्गीय भरतमोहन अधिकारीको दोश्रो स्मृति सभामा सहभागी हुन आउन लागेका हुन् ।

भरतमोहन अधिकारी स्मृति फाउण्डेशनको आयोजनामा हुने स्मृतिसभामा नेपाल प्रमुख अतिथि छन् ।