माधव पक्षधर केन्द्रीय सदस्यहरुको बैठक सुरू

काठमाडौं –  नेकपा (एमाले) का वरिष्ठ नेता माधव कुमार नेपाल समूहको केन्द्रीय सदस्यहरुको बैठक सुरु भएको छ । काठमाडौंको कलंकीस्थित् मेगा पार्टी प्यालेसमा सुरु भएको बैठकमा पार्टीको केन्द्रीय र स्थायी कमिटी बैठक बोलाउन माग गर्ने एक नेताले जानकारी दिए ।

पछिल्लो समय एमालेभित्र अध्यक्ष ओली र वरिष्ठ नेता नेपाल समूहबीच आन्तरिक संघर्ष चर्किएको छ । अध्यक्ष ओलीले वरिष्ठ नेता नेपालसहित नेताहरु डा. भीम बहादुर रावल, सुरेन्द्र पाण्डे र घनश्याम भुषाललाई स्पष्टीकरण सोधेका थिए । त्यसको जवाफमा चारै जना नेताहरुले उल्टै ओलीलाई प्रतिस्पष्टीकरण सोधेका छन् । यसले पार्टीभित्रको विवाद हल हुनुको साटो झनै बढ्ने नेताहरुले अनुमान गरेका छन् ।