माधव नेपाल पक्षका २७ जनालाई सांसदबाट हटाउने ओलीको तयारी

काठमाडौँ  – एमाले अध्यक्ष एवं प्रधानमन्त्री केपी ओलीले वरिष्ठ नेता माधवकुमार नेपाल पक्षधर २७ सांसदलाई प्रतिनिधिसभा सदस्यबाट हटाउने तयारी गरेका छन् ।

हटाउने प्रक्रियाका लागि ओलीले २७ जनालाई मंगलबार स्पष्टीकरण सोधेका छन् । उनीहरुमाथि पार्टी अनुशासन, विधि र पद्दति उल्लंघन गर्दै अर्कै दलको प्रतिनिधिका रुपमा गतिविधि गरेको आरोप छ । स्पष्टीकरणमा प्रतिनिधिसभाबाट हटाउनुनपर्ने कारण र आधारसहित तीन दिनभित्र स्पष्टीकरण पेश गर्न भनिएको छ ।

ती सांसदहरुमाथि पार्टी नेतृत्वको ‘लोकप्रिय सरकार’ र पार्टीविरुद्ध पार्टी अध्यक्ष र महासचिवको निर्देशनविपरीत काम गरेको आरोप छ ।