कोरोनाविरुद्धको खोप लिन निगमको जहाज आज बेइजिङ उड्दै

काठमाडौँ – नेपाल एयरलाइन्सको जहाज आज चीनको राजधानी बेइजिङ जाने भएको छ । चीन सरकारले सहयोग स्वरुप दिने कोरोना भाइरसविरुद्धको खोप लिन जहाज त्यसतर्फ बेइजिङ जाने भएको हो ।

चीन सरकारले दिने १० लाख डोज कोरोना भाइरसविरुद्धको खोप मध्ये ८ लाख डोज लिन जहाज बेइजिङ उड्न लागेको हो। जहाज आज राती ११ बजे काठमाडौंबाट बेइजिङतर्फ जाने परराष्ट्र मन्त्रालयले जनाएको छ ।

खोप लिएर जहाज मंगलबार बिहान काठमाडौं तर्फ उड्नेछ । बाकीँ २ लाख डोज कोरोना खोप तातोपानी नाका हुँदै आउनेछ ।