गृह मन्त्रीमा ओलीका विश्वास पात्र महेश बस्नेतको चर्चा

काठमाडौ – प्रधानमन्त्री केपी शर्मा ओलीले गठन गरेको नयाँ मन्त्रिमण्डलको गृह मन्त्रीमा एमालेका युवा नेता महेश बस्नेतको नाम चर्चामा रहेको छ ।

बस्नेत ओलीका सबै भन्दा नजिकका विश्वास पात्रको रुपमा चिनिन्छन् ।

प्रधानमन्त्री ओलीले आज मात्रै जसपाबाट ८ जनालाई मन्त्री पदमा नियुक्त गरेका छन् । तर गृह मन्त्रालय भने आफ्नै मातहतमा राखेका छन् ।

विविध सेवा सुविधा तथा शक्तिका कारण गृह मन्त्रालय प्रधानमन्त्री पछिको महत्वपूर्ण पदको रुपमा लिइने गरेको छ ।

बस्नेतले ओलीको हर कदममा साथ दिएको बदलामा गृह मन्त्रीको पद बक्सिस दिने चर्चा एमाले वृत्तमा चलेको छ ।