बागमती प्रदेशका सिन्धुपाल्चोकमा सदस्यता वितरण र नवीकरण भइरहेको छ । काभ्रेको एउटा निर्वाचन क्षेत्र, बर्दिया, प्यूठान, पूर्वी रुकुम र डडेल्धुरामा विवादका कारण नाम सार्वजनिक भएको छैन । हिजो सम्म नाम इन्ट्री गर्न समय दिइएको थियो । समयसीमा सकिएको छ । यसबाट भदौ १६ देखि १९ सम्म हुने भनिएको महाधिवेशन प्रभावित हुनसक्ने देखिएको छ ।
काँग्रेसमा क्रियाशील सदस्यता निकै महत्वपूर्ण हुन्छ । क्रियाशील सदस्यताले गाउँ तथा नगरका वडाबाट प्रतिनिधि चयन गर्न मतदान अधिकार पाउँछन् । वडाबाट नगर, क्षेत्रमा हुने चुनावले महाधिवेशन प्रतिनिधि र महासमिति सदस्यको टुंगो लगाउँछ । पार्टी सभापतिलगायत पदाधिकारी देखि केन्द्रीय सदस्यहरुलाई मतदान गर्ने अधिकार महाधिवेशन प्रतिनिधि र महासमिति सदस्यले पाउँछन् ।
