ओली केन्द्रीय कमिटी बैठकबाट नेपालविरुद्ध झन् आक्रामक रुपमा प्रस्तुत भएका छन् । उनले सोमबार साँझ ५ बजेसम्मको अल्टिमेटम दिएर हस्ताक्षर फिर्ता गर्न भनेका छन् । नगरे कारबाहीको निर्णय हुने तयारी समेत छ । नेपाल भने २३ सांसदको हस्ताक्षरलाई राजनीतिक अस्त्र बनाएर ओलीविरुद्ध आक्रामक बन्दै गएका छन् ।कुनै हालतमा ओलीसँग नमिल्ने र सत्ताबाट हटाएरै छाड्ने रणनीतिमा नेपाल छन् । उनले त्यसका लागि देउवा र प्रचण्डसहितको गठबन्धन पनि बनाएका छन् । यसले एमालेभित्रको टकराव उत्कर्षमा पुग्दै गरेको देखिन्छ । सम्भवत आगामी हप्ता ओली र नेपालले लिने बाटो र एमालेको भविष्यको टुंगो लाग्नेछ ।