मन्त्रालयको गाडीमा यौन क्रियाकलाप गर्दा गर्दै रंगेहात पक्राउ

काठमाडौँ – मन्त्रालयको गाडीमा यौनजन्य क्रियाकलाप गर्नेलाई प्रहरीले पक्राउ गरेको छ ।

महिला, बालबालिका तथा ज्येष्ठ नागरिक मन्त्रालयको प्र. ३–०१–००२ झ ५०५२ नम्बरको गाडीमा यौनजन्य क्रियाकलाप भएको हो । भक्तपुरको घ्याम्पे डाँडा जंगलमा बुधबार राति ११ बजेको समयमा रोकिएको सरकारी गाडीमा यौन क्रियाकलाप भएको देखेपछि प्रहरीले नियन्त्रणमा लिएको थियो ।

गाडीभित्र शम्भु कार्की र २१ वर्षीया युवती यौन कार्यमा लिप्त रहेका बेला पक्राउ गरिएको भक्तपुरका प्रहरी परिसरका प्रहरी नायब उपरीक्षक दिपक गिरिले जानकारी दिए ।

गिरिका अनुसार कार्की र महिलासहित मन्त्रालयका गाडी चालक ४१ वर्षीय जितबहादुर खत्रीलाई पनि नियन्त्रणमा लिइएको छ । पक्राउ परेकाहरुविरुद्ध सार्वजनिक स्थानमा यौन क्रियाकलाप गरेको कसुरमा कारबाही अगाडि बढाइएको छ ।