गण्डकीमा एमालेले बनायो छायाँ सरकार

काठमाडौँ – एमालेले गण्डकी प्रदेशमा छायाँ सरकार गठन गरेको छ ।

एमाले संसदीय बोर्ड बैठकले सरकारका काममा निगरानी गर्न छायाँ सरकार गठनको निर्णय गरेको हो । गण्डकीमा एमालेले पृथ्वीसुब्बा गुरुङ नेतृत्वमा तीन वर्षभन्दा बढी प्रदेश सरकार सञ्चालन गरेको थियो । छायाँ सरकारमा मन्त्रीको साटो संयोजक तोकिएको छ । उनीहरुले विभिन्न मन्त्रालय हेर्ने एमाले प्रमुख सचेतक मायानाथ अधिकारीले बताए ।

मुख्यमन्त्री तथा मन्त्रिपरिषद् समूहको संयोजकमा मोहनप्रसाद रेग्मी चयन भएका छन् । रामशरण बस्नेतलाई भौतिक पूर्वाधार तथा यातायात, विकास लम्साललाई उद्योग, पर्यटन र वन तथा वातावरण, नरदेवी पुनमगरलाई सामाजिक विकास, चन्द्र मोहन गौचनलाई कानुन, सूचना सञ्चार तथा प्रदेश मामिला र इन्द्रलाल सापकोटालाई आर्थिक मामिला मन्त्रालय हेर्ने गरी संयोजक तोकिएको छ ।

यस्तै मित्रकुमारी गुरुङलाई भूमि व्यवस्था, तथा कृषि, मीनप्रसाद गुरुङलाई ऊर्जा र खानेपानी, स्वास्थ्य, जनसङ्ख्या, युवा तथा खेलकुदमा राजीव पहारी छन् ।