ओली-प्रचण्डको साढे दुई घण्टा छलफलमा के–के भयो कुराकानी ?

नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल ‘प्रचण्ड’ सँग कुराकानी गरेर नेकपा एमालेका अध्यक्ष केपी शर्मा ओली खुमलटारबाट फर्किएका छन् ।

बुधबार मध्यान्ह १२ बजे प्रचण्डलाई भेट्न उनकै निवास खुमलटार पुगेका ओलीले प्रचण्डसँग नयाँ सरकारको विषयमा बृहत छलफल गरेका छन्। दुईबीच साढे दुई घण्टा कुराकानी भएको थियो ।

खुमलटारबाट बाहिरिदै ओलीले नयाँ बनेको सरकारलाई प्रभावकारी ढंगले अघि बढाउने विषयमा दुईबीच छलफल भएको प्रधानमन्त्रीका स्वकीय सचिव रमेश मल्लले जानकारी दिएका छन् । उनका अनुसार सरकारको कार्यक्रम तयार गर्ने विषयमा पनि दुईबीच छलफल भएको थियो ।

आज बुधबार नै नयाँ वानेश्वरमा सत्ता साझेदार दलहरुको बैठक बोलाइएको छ । सत्ता गठबन्धनको बैठकमा मन्त्री भागवण्डाका विषयमा छलफल हुने बताइएको छ ।