प्रभु साहको आम जनता पार्टीलाई रामवीर मानन्धरको साथ

पूर्व मन्त्री प्रभु साहको अध्यक्षतामा गठित आम जनता पार्टीलाई पूर्व शहरी विकास राज्यमन्त्री रामवीर मानन्धरले साथ दिने भएका छन् ।

लामो समयदेखि सहकार्यमा रहेका आजपा अध्यक्ष साह र मानन्धरबीच माछापोखरी स्थित मानन्धर निवासमा भोटवार्ता भएको छ ।

मिलेर पार्टी खोल्ने पूर्व सहमति अनुरुप मानन्धर अब आजपामा संगठित रुपमा नै अगाडि बढने आजपा प्रचार प्रसार विभाग उपप्रमुख निवेश यादवले जानकारी दिएका छन ।

प्रभु साह र पूर्व शहरी विकास राज्यमन्त्री रामवीर मानन्धरबीच भेटवार्ता भएको हो । उहाँहरु शहरी विकास मन्त्रालयमा हुँदा देखि राम्रो सम्बन्ध थियो । त्यसकै निरन्तरता हो यो भेट ।

उहाँ (रामवीर मानन्धर) हाम्रो पार्टीको साथमा हुनुहुन्छ । संक्षिप्त जानकारी दिदै यादवले यस्तो बताएका हुन । ०७७ केपी ओली नेतृत्वको सरकारमा आजपा अध्यक्ष साह शहरी विकास मन्त्री हुँदा मानन्धर सोही मन्त्रालयमा राज्यमन्त्री रहेका थिए ।