वैवाहिक बलात्कार आरोपमा न्यायाधीश गिरी सामाखुसीबाट पक्राउ

वैवाहिक बलात्कार आरोपमा न्यायाधीश भुवन गिरी पक्राउ परेका छन् । मंगलबार प्रहरीले उनलाई काठमाडौंको सामाखुसीबाट पक्राउ गरेको हो ।

न्यायाधीश गिरी जिल्ला अदालत कपिलवस्तुमा कार्यरत थिए । एक महिना अगाडि मात्रै न्यायपरिषदमा सरुवा भएर आएका गिरीविरुद्ध पत्नी आरती गिरी रावलले वैवाहिक बलात्कार आरोपमा जाहेरी दिएका थिए ।

पक्राउ परेका गिरीलाई अनुसन्धानसँगै कारबाहीका लागि कपिलवस्तुमा पठाइने बताइएको छ ।