परिवर्तन अभियानले तारकेश्वरमा गरेको आँखा शिविरबाट छ सय दस जनाले लिए सेवा

काठमाडौँ। काठमाडौको तारकेश्वर नगरपालिका ५ स्थित नागार्जुन माविमा शनिवार निःशुल्क आँखा शिविर सम्पन्न भएको छ । परिवर्तन अभियान नेपालद्वारा आयोजना गरेको शिविरमा ६१० जनाले निःशुल्क आँखाको परीक्षण परिएको र ३१ जनाको नि शुल्क शल्यक्रिया गरिने संस्थाका अध्यक्ष सुशील भट्टले जानकारी दिए ।

शिविरमा तिलगंगा आँखा प्रतिष्ठान, तारकेश्वर नगरपालिका वडा नम्बर ५, युवा सारथि क्लब र रानीवन युवा समूहसँगको सहकार्यमा सम्पन्न भएको हो । शिविरमा आँखा परीक्षण गराउनेमध्ये ३१ जनामा मोतियाविन्दु देखिएको र उनीहरूको मङ्गलवार तिलगंगा आँखा प्रतिष्ठानमा निःशुल्क शल्यक्रिया गराउने व्यवस्था मिलाइएको अध्यक्ष भट्टले जानकारी दिए । त्यसका लागि प्रतिष्ठान र फूलबारी गुम्बा जगडोलसँगको समन्वयमा उनीहरूको निःशुल्क शल्यक्रिया गरिने उनको भनाइ छ ।

शिविरको उदघाटन बागमती प्रदेशसभा सदस्य कुन्दनराज काफ्ले,ले गरेका थिए। तारकेश्वर नगरपालिकाकी उपप्रमुख सिर्जना बुर्लाकोटी अर्याल, संस्थाका सल्लाहकारहरू सबिन तामाङ, कविता रिजाल, वासुदेव लामा, ५ नम्बरका वडाध्यक्ष शम्भु प्रसाद फुयाँल, नागार्जुन १ का वडाध्यक्ष रामेश्वर लामालगायतको उपस्थिति रहेको थियो । कार्यक्रममा बोल्ने वक्ताहरूले राज्यले स्वास्थ्यमा नागरिकको पहुँच बढाउन भूमिका खेल्नुपर्नेमा जोड दिए । परिवर्तन अभियान नेपालले सामाजिक सेवा क्षेत्रमा काम गर्दै आईरहेको छ।