पत्रकारको ज्याकेट लगाएर प्रहरीलाई ढुंगा हान्ने युवक पक्राउ, पत्रकार नभएको खुलासा

ललितपुर – बिहीबार ललितपुरको पुल्चोकमा रातो मछिन्द्रनाथको रात तान्ने क्रममा भएको झडपमा पत्रकारको ज्याकेट लगाएर प्रहरीलाई ढुंगा हान्ने एक युवकलाई प्रहरीले पक्राउ गरेको छ ।

महालक्ष्मी नगरपालिकाका २१ वर्षीय अनिश महर्जन इमाडोलबाट पक्राउ परेका हुन् ।

महर्जनलाई अपराध महशाखाको टोलीले पक्राउ गरेको महाशाखा प्रमुख एसएसपी दीपक थापाले जानकारी दिए । उनी पत्रकार नभएको खुलेको छ ।

पुल्चोकमा भएको झडप प्रकरणमा प्रहरीले महर्जनसहित ट्राफिक प्रहरीलाइ कुटपिट गर्ने १३ जनालाई पक्राउ गरेको छ ।