त्रिविले यो वर्ष हिउँदे बिदा नदिने

काठमाडौँ – त्रिभुवन विश्वविद्यालयले यसपटक हिउँदे  बिदा  नदिने  भएको  छ।

विश्वविद्यालयको   भौतिक   तथा भर्चुअल कक्षालाई जाडो बिदाका बेलामा समेत निरन्तरता दिन हिउँदे बिदा नदिने निर्णय विश्वविद्यालयले गरेको हो ।

विश्वविद्यालयका सूचना तथा जनसम्पर्क   महाशाखाका   प्रमुख सूर्यप्रसाद  अधिकारीले  यसपटक विश्वविद्यालय मातहतका क्याम्पसमा बिदा नदिइने र कक्षा निरन्तर  रूपमा  सञ्चालन  गरिने जानकारी  दिए ।   गोरखापत्रमा खबर छ ।