‘सूर्य चिन्ह नपाउने भएपछि ओलीले निर्वाचन आयोगलाई धम्क्याए’

गुल्मी – नेकपा प्रचण्ड–नेपाल समूहका स्थायी समिति सदस्य गोकर्ण विष्टले नेकपाले प्राप्त गरेको दुई तिहाई बहुमत प्रधानमन्त्री ओलीले आफ्नो उत्तेजना र महत्वकांक्षाका लागि दुरुपयोग गरेको बताएका छन् ।

गुल्मीको तम्घासमा आफू पक्षधर युवा–विद्यार्थी भेलालाई सम्बोधन गर्दै विष्टले ओलीले समृद्धिको नारा लगाएर संविधान र व्यवस्था धरापमा पारेको आरोप लगाए । ओलीले जनतालाई निर्वाचनका बेला समृद्धिको चास्नी देखाएकार अराजकता निम्त्याउको टिप्पणी विष्टको छ । विष्टले ओलीको अन्त्य दुःखद हुने भन्दै सत्तामा धेरै दिन नटिक्ने ठोकुवा गरे ।

सूर्य चिन्ह नपाउने भएपछि ओलीले निर्वाचन आयोगलाई धम्क्याएको भन्दै विष्टले ओली सरकारलाई नागरिकको भन्दा आफ्नै सत्ता टिकाउने चिन्ता रहेको टिप्पणी गरे । बहुमत केन्द्रीय सदस्य आफूहरुतिर रहेकाले सूर्य चिन्ह र नेकपाको आधिकारिकता स्वतः आफूहरुकै हुने दाबी विष्टले गरे ।