माओवादी स्थायी समिति बैठकः ओलीलाई दिएको समर्थन फिर्ता लिने तयारी

काठमाडौँ – नेकपा माओवादी केन्द्रले केपी ओली नेतृत्वको सरकारलाई दिएको समर्थन फिर्ता लिने भएको छ ।

सम्भवतः आज बस्ने सो पार्टी स्थायी समितिको बैठकले सरकारलाई दिएको समर्थन पिर्ता लिने सम्भावना छ । सर्वोच्च अदालतले नेकपा एकीकरण खारेज गरेपछि पूर्ववत रुपमा ब्युँतिएको माओवादी केन्द्रले काँग्रेस र जनता समाजवादी पार्टी (जसपा) सँग सत्ता सहकार्यको प्रस्ताव अघि सारेको छ ।

माओवादी अध्यक्ष पुष्पकमल दाहाल प्रचण्डले मंगलबार काँग्रेस सभापति शेरबहादुर देउवा र जसपा संघीय परिषद अध्यक्ष डा. बाबुराम भट्टराईलाई भेटेका थिए । भेटमा प्रचण्डले देउवालाई प्रधानमन्त्री अफर गरेका थिए ।

जवाफमा देउवाले आफू प्रधानमन्त्रीका लागि तयार भए पनि पहिला ओली सरकारलाई दिएको समर्थन फिर्ता लिन प्रचण्डलाई आग्रह गरेका थिए ।