सभामुख सापकोटाले बोलाए सर्वदलीय बैठक, प्रधानमन्त्री ओली बैठकमा सहभागी नहुने

काठमाडौं – सभामुख अग्निप्रसाद सापकोटाले शुक्रबार सर्वदलीय बैठक बोलाएका छन्। सभामुख सापकोटाले आज दिउँसो २ बजे बैठक बोलाएका हुन्।

पछिल्लो विकसित राजनीतिक घटनाक्रमबारे छलफल गर्नका लागि सभामुख सापकोटाले नेकपा एमालेका अध्यक्ष समेत रहेका प्रधानमन्त्री केपी शर्मा ओलीसहित संसदमा रहेका दलका नेता र पूर्व प्रधानमन्त्रीहरुलाई बोलाएका छन्। तर प्रधानमन्त्री ओली बैठकमा सहभागी नहुने उनका प्रेस सल्लाहकार सुर्य थापाले यस आगाडी नै बताइसकेका छन्।

प्रतिनिधिसभा विघटनपछि सभामुख सापकोटाले पूर्व सभामुख र कानून व्यवसायीहरुसँग छुट्टाछुट्टै छलफल गर्दै आएक थिए।