२२९७ संक्रमित थपिँदा, ३१३० कोरोनामुक्त

काठमाडौं – पछिल्लो २४ घण्टामा देशभर जना २२९७ कोरोना संक्रमित थपिएका छन् । स्वास्थ्य मन्त्रालयले दिएको जानकारी अनुसार पिसिआर परीक्षणमा १५८४ र एन्टिजेन परीक्षणमा ७१३ जनामा कोरोना पुष्टि भएको हो ।

यो सँगै कुल कोरोना पुष्टि हुनेको संख्या पिसिआर विधिबाट ६ लाख २२ हजार ६४० पुगेको छ , एन्टिजेन विधिबाट २७ हजार ३०८ जनामा कोरोना पुष्टि भएको छ ।

यस अवधिमा ३१३० जना कोरोनामुक्त भई डिस्चार्ज भएका छन् । योसँगै नेपालमा हालसम्म ५ लाख ५९ हजार ९२८ जनाले कोरोना जितेका स्वास्थ्य तथा जनसंख्या मन्त्रालयले जनाएको छ ।

अहिले देशभर सक्रिय संक्रमित ५३ हजार ९४९ रहेको छ ।