महन्थ ठाकुर संकटमा, चार सांसदले छाडे साथ

काठमाडौँ – जनता समाजवादी पार्टी (जसपा) को केन्द्रीय समितिमा बहुमतमा रहेको बाबुराम–उपेन्द्र समूह संसदीय दलमा पन बलियो भएको छ ।

ठाकुर समूहका चार सांसदले गुट परिवर्तन गरेसँगै बाबुराम–उपेन्द्र पक्ष संसदीय दलमा बराबरी हैसियतमा पुगेको हो । सो पक्षको शनिबार ललितपुरको कुमारी पाटीस्थित केन्द्रीय कार्यालयमा बसेको संसदीय दल बैठकमा ठाकुर पक्षका चार सांसद सहभागी भएका छन् ।

प्रमोद साह, अमृता अग्रहरि, रानी मण्डल र नरमाया ढकाल दल बैठकमा सहभागी भएको नेता राजेन्द्र श्रेष्ठले जानकारी दिए । राजकिशोर यादवसहित अरु केही सांसदले पनि ठाकुरको साथ छाड्ने अन्तिम तयारी गरेको श्रोतको दाबी छ ।