प्रधानमन्त्री देउवाले पाएको विश्वासको मत ‘टालाटुली बटुली कति राम्री पुतली हो’ : ओली

काठमाडौं – नेकपा एमालेका अध्यक्ष एवं निवर्तमान प्रधानमन्त्री केपी शर्मा ओलीले प्रधानमन्त्री शेरबहादुर देउवाले पाएको विश्वासको मत कवाडीको रिसाइकलबाट भाँडाकुँडा बटुलेर बनेको टालाटुली बाटुली कति राम्री पुतली भएको बताएका छन् ।

सोमबार केन्द्रीय कमिटी बैठक उद्घाटन गर्दै आइतबार प्रधानमन्त्री देउवाले संसद्मा पाएको विश्वासको मत कवाडीको साइकलबाट भाँडाकुँडा बटुलेर बनेको टालाटुली बाटुली कति राम्री पुतली रहेको अध्यक्ष ओलीले बताए ।

उनले भने, ‘देउवाले लिएको विश्वासको मत कवाडीको साइकलबाट भाँडाकुँडा बटुलेर बनेको टालाटुली बटुली, कति राम्री पुतली भन्ने खालेको हो ।’

अध्यक्ष ओलीले देउवा सरकारले अब सत्ताको दुरुपयोग गरी एमालेमाथि हमला सुरु गर्ने पनि बताएका छन् । उनका अनुसार काँग्रेस विगतदेखि नै आफैँ आक्रमण गर्ने र आफैं मुद्दा हाल्ने पार्टी हो ।